ROOSTER & JAARPROGRAM
Die skoolrooster bestaan uit ‘n 10 dag-siklus: Maandag tot Vrydag is óf dag 1 tot 5 óf ‘n dag 6 tot 10. Die jaarprogram en klasrooster is in die leerderdagboeke vervat. Die Durbie-dagboek is verpligtend vir alle leerders.
Kindgerig, dinamies & aktueel
Te midde van ‘n bedrywige holistiese spyskaart staan die kurrikulum van Laerskool Durbanville deurentyd sentraal. Om leerders optimaal te ontwikkel, is onderrig gemik op die kind in totaliteit, en daarom ontsluit ons sekere konsepte, vaardighede en waardes.
Die KABV vorm die ruggraat van onderrig en leer. Uitstekend opgeleide onderwysers maak die kurrikulum hul eie deur onder andere e-Leer te gebruik.
Ondersteuning van die leerproses
Die KABV (Kurrikulum en Assesseringsbeleids-verklaring) vorm ‘n integrale deel van onderrig en leer. Die doel van die tradisionele produkgeoriënteerde (eksamen-georiënteerde) evaluering is vervang met ‘n evaluering, wat voorsiening maak vir die ondersteuning van die leerproses deur betekenisvolle, geldige en relevante inligting, rakende elke leerder se vordering. Deurlopende, skoolgebaseerde evaluering meet dus leerprosesse en -produkte. Dit is belangrik dat elke leerder se prestasie met sy eie persoonlike vermoë vergelyk word en nie met die prestasies van ander leerders nie. Verslagdoening rakende elke leerder se ontwikkelingsproses geskied kwartaalliks. Twee voltydse leerondersteuners bied tydens skoolure leiding aan onderwysers en ondersteun leerders in wiskunde, tale en deur alternatiewe assessering.
Samestelling van punte:
| Gewigsbepalings van skoolgebaseerde assesserings en eksamens | ||
| Gr. 4 – 6 | Deurlopend: 80% | Eindjaar: kontroletoetse 20% |
| Gr. 7 | Deurlopend: 60% | Eindjaar: eksamen 40% |
Prestasiekodes:
| KODE | PUNTE | PRESTASIEBESKRYWING |
| 7 | 80% – 100% | Uitstekende prestasie |
| 6 | 70% – 79% | Verdienstelike prestasie |
| 5 | 60% – 69% | Beduidende prestasie |
| 4 | 50% – 59% | Voldoende prestasie |
| 3 | 40% – 49% | Matige prestasie |
| 2 | 30% – 39% | Basiese prestasie |
| 1 | 0% – 29% | Nie bereik nie |
Laerskool Durbanville poog om leerders met spesiale onderwysbehoeftes te ondersteun deur dienste in die volgende aan te bied:
Aanbieder: Mev. Lida Keet
Xhosa as derde taal word as addisionele vak een maal per siklus vir gr. 4- tot 6-leerders aangebied. Klem word gelê op basiese kommunikasievaardighede, maar leerders word skriftelik en mondelings binne klasverband getoets om die taalverwerwing verder vas te lê.
Intermediêre Fase (Graad 4-6)
Hoofsaaklik klasonderrig:
Addisionele blootstelling:
Senior Fase (Graad 7)
Vakonderrig:
Addisionele blootstelling:
Laerskool Durbanville is ‘n waardegedrewe skool en universele waardes vorm die basis van ons geestelike pilaar. Saalbyeenkomste en ander geleenthede word op gepaste wyse geopen. Vrywillige jeugwerkers van die omliggende kerke behandel weekliks die waardes tydens JOT-lesse.
Daar is ook praktiese maniere waarop die leerders betrokke raak, soos bv. Omgeedae waar daar vir ‘n spesifieke organisasie geld en/of items ingesamel word.
KREATIEF, ANALITIES & STRATEGIES
Die rekenaarsentrums word ingespan om leerders voor te berei vir ‘n toekoms waar rekenaargeletterdheid en kennis van die inligtings- en kommunikasiewêreld, sowel as robotika en kodering, absoluut onontbeerlik is. In rekenaargeletterdheid word daar op bepaalde temas, geïntegreer met die kurrikulum, gefokus. Robotika en kodering daag leerders op die hoogste vlak uit om kreatief, analities en strategies te werk te gaan. Blootstelling en deelname aan bogenoemde vorm ‘n integrale deel van die leerders se 4 jaar aan Laerskool Durbanville.
